საქართველოს სახალხო დამცველი ქალის მკვლელობის ფაქტს ეხმაურება

17 აპრილი 2018

საქართველოს სახალხო დამცველი ნინო ლომჯარია მწუხარებას გამოთქვამს 2018 წლის 13 აპრილს, თბილისში მომხდარი ქალის მკვლელობის გამო და თანაგრძნობას უცხადებს გარდაცვლილის ოჯახსა და ახლობლებს.

მიუხედავად იმისა, რომ ბოლო წლების განმავლობაში გაიზარდა ოჯახში ძალადობის გამოვლენის მაჩვენებელი და ერთი შეხედვით პრობლემამ ჩაკეტილი სოციალური წრიდან საჯარო სფეროში გადაინაცვლა, კვლავ მაღალია ძალადობის სასტიკი ფორმების და მკვლელობების რიცხვი. 2017 წელს მომხდარი ქალის მკვლელობის 26 შემთხვევიდან 14 ოჯახში ძალადობის პირობებში იყო ჩადენილი, ხოლო 15 მკვლელობის მცდელობის ფაქტიდან 12 ოჯახურ დანაშაულს უკავშირდებოდა.

სახალხო დამცველი მუდმივად მიუთითებს დამცავი ღონისძიებების არაეფექტურობასა და პრევენციის ღონისძიებების გაძლიერების საჭიროებაზე. სამწუხაროდ, დამცავი და შემაკავებელი ორდერების გამოწერის ზრდის პარალელურად, არ ხდება საფრთხის სათანადოდ შეფასება და მსხვერპლთა მიმართ დაცვის ეფექტური ღონისძიებების გამოყენება. არასათანადოდ ხორციელდება დამცავი ღონისძიებების აღსრულების მონიტორინგიც, რაც უარყოფითად აისახება ძალადობის მსხვერპლ ქალთა უფლებრივ მდგომარეობაზე. ოჯახში ძალადობის შემთხვევების შესწავლისას სათანადო ყურადღება არ ექცევა ძალადობის ისტორიას, წარსულში მომხდარ ფაქტებსა თუ მსხვერპლის გამოცდილებას.

სამართალდამცავი უწყებების ძალისხმევასთან ერთად, მნიშვნელოვანია სახელმწიფომ განსაკუთრებული ყურადღება გაამახვილოს ცნობიერების ამაღლებასა და სოციალური მუშაკების რგოლის გაძლიერებაზე, რაც ოჯახში ძალადობის შემთხვევათა სპეციფიკის გათვალისწინებით განსაკუთრებული მნიშვნელობის მქონეა. აღნიშნულ საკითხზე სერიოზული როლი ენიჭება საზოგადოების თითოეული წევრის აქტიურობას.

ამასთან, როდესაც ვსაუბროთ გენდერული ნიშნით მოტივირებულ ქალთა მკვლელობებზე, ფემიციდზე, მნიშვნელოვანია, რომ სისხლის სამართლის კოდექსი ითვალისწინებდეს ფემიციდის განმარტებას და სასჯელს, როგორც დამამძიმებელ გარემოებებში ჩადენილი მკვლელობის შემთხვევაში, რადგან ფემიციდი ეს არის მკვლელობა, რომელიც განპირობებულია დისკრიმინაციული მოტივით, ქალზე ძალაუფლების ქონის, მასზე მესაკუთრული დამოკიდებულების არსებობით, რაც განასხვავებს მას სხვა დანაშაულებისგან.

 

წყარო: http://www.ombudsman.ge

ნახვების რაოდენობა : 1952

კომენტარი

მთავარი ამბავი

ახალი პროგრამა ქალთა ეკონომიკური გაძლიერებისთვის
17 სექტემბერი 2020
USAID-ის პროგრამამ „ახალგაზრდების და ქალთა მეწარმეობის მხარდაჭერა საქართველოში“ (YES-Georgia), რომელიც ხორციელდება ფონდი „კრისტალის“ და ფინანსური ჩართულობის ორგანიზაცია „ ...
წაიკითხეთ სრულად
ბმულები
volunteering
volunteering
ვებ გვერდის შესახებ

ვებგვერდი შეიქმნა აღმოსავლეთ-დასავლეთის მართვის ინსტიტუტის (EWMI) სამოქალაქო საზოგადოების განვითარებისა და მოქალაქეთა ჩართულობის პროექტის (ACCESS) ფარგლებში.

ვებგვერდის შექმნა შესაძლებელი გახდა ამერიკელი ხალხის მხარდაჭერის შედეგად, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. ვებგვერდზე განთავსებულ მასალაზე პასუხისმგებელია სიდა (CiDA) და შესაძლოა არ გამოხატავდეს ამერიკის შეერთებული შტატების საერთაშორისო განვითარების სააგენტოს (USAID), ამერიკის შეერთებული შტატების მთავრობის, ან/და EWMI-ს შეხედულებებს.

ვებ გვერდს ადმინისტრირებას უწევს sida

cso.ge ფუნქციონირებს 2011 წლიდან

საკონტაქტო ინფორმაცია
მისამართი

ქ. რუსთავი, მეგობრობის გამზირი #1

ტელეფონი: (+995 341) 258822 (14)

ფაქსი: (+995 341) 258822

ელ.ფოსტა: contact@cso.ge